Oddi hf. er framleiðandi á frystum, ferskum og söltuðum afurðum og er hann þekktur á mörkuðum hér heima og erlendis fyrir gæða- framleiðslu og góða vöru.

Oddi hf. vinnur úr rúmlega 3500 tonnum af hráefni á ársgrundvelli sem skiptist í um 2300 tonn af þorski, 500 tonn af steinbít og 700 tonn af ýsu.  Rúmlega 60% af því hráefni sem Oddi hf. vinnur úr kemur frá eigin skipi, Núpi BA-69.   Vestri BA-63 er mikilvægur hlekkur í hráefnisöflun Odda hf. og er áætlað að hann leggi upp 1000-1500 tonn á ársgrundvelli á ári,  u.þ.b. 15% kemur af fiskmörkuðum og viðskiptabátum sem eru aðallega krókabátar. 

Allt innkeypt hráefni í þorski er flokkað fyrir vinnslu og tekur öll framleiðslustýring mið af stærð hráefnisins svo og gæðum.  Framleiðslan í þorski mótast að mestu leiti af stærð og gæðum þess hráefnis sem keypt er  til vinnslunnar, þannig að smæsti fiskurinn fer í frystingu svo og millifiskur og stærri fiskur fer í saltfiskvinnslu, annarsvegar flattan fisk og hinsvegar flök.  Ferskfiskvinnslan (flugfiskur) mótast svo af mörkuðum hverju sinni þannig að unnið er bæði úr smærri og stærri fiski eftir markaðsaðstæðum hverju sinni.

Framleiðslustjóri er Skjöldur Pálmason
Telefon: 450 2108 - gsm: 896 1462 - tölvufang: skjpal@oddihf.is